Prossimi appuntamenti

6 Setembar
19^a Fiesta dai Scampanotadôrs dal Gurizan
San Martin dal Ciars

ore 15.30: consiart di ciampanis cu la partecipazion di li’ scuadris dal Gurizan
ore 17.30: salûs con premiazion dai gnûs scampanotadôrs
ore 18.30: messa ciantada conpagnada da Capela Metropolitana di Guriza

apri il programma »

Programma completo attività 2025 »
Depliant di presentazione (PDF) »

Promovi la tradizion dal scampanotâ dal Gurizan

Foto del campanile di Aquileia, parzialmente coperto dalle chiome dei cipressi

Proget

«Scampanotadôrs dal Gurizan» al è un proget cal nas da voja di tignî cont, di dâ impuartansa e di promovî la tradizion dal scampanotâ ca si ciata e ca je viva di secui in tal Gurizan. Al proget al nas da volontât di jessi un pont di riferiment par duc’ i grups di scapanotadôrs da nestra tiara e al ûl jessi una clapa di personis c’andan una «passion» in comun e ca fasin un sarvissi a li’ comunitâs.

I vielis a nus an lassât una granda esperienza, dut un patrimoni cal è in man a li’ squadris da nestra tiara. Noatris a urìn rinfuarsâ a l’art dal scampanotâ, par fâ sì che dut chist a ledi indevant e no vedi di lâ piardût.

Di Monsanta a cialìn al Gurizan: al teritori che, cun Guriza centri geografic e culturâl, a ciapa drenti la valada dal Lusinz, dal Vipàu, al Cuei, al Ciars Gurizan, la Bisiacaria, Grau, la Bassa furlana e la Alta (Gardis’cia e Cormons).

Obietîfs

spandî la tradizion dal scampanotâ

sburtâ momens par ciatasi e par cognossisi tra duc’ i scampanotadôrs e i passionâs di ciampanis, in mût particolâr cun t’un incuintri una volta al an di duc’ i grups e ogni an su di un tôr diferent dal Gurizan;
sburtâ e fâ cognossi li’ garis e li’ rassegnis di scampanotadôrs ca vegnin fatis dai grups;
tornâ a fâ scuviarsi a l’art dal scampanotâ, massima part in ta zonis dulà che la tradizion a je za lada piarduda.

ricerca storica e musicâl

promovî e tignî in pîns ativitâs di ricerca su la storia e su li’ carateristichis da nestris ciampanis e dai nestris tôrs e ancia dai mûs di sunâ da ciampanis, partint di una volta a uè;
meti insiema e trascrivi li’ batudis ca si ciàtin tal teritori.

propuestis

su domanda, dâ la disponibilitât di cualchi sunadôr in ocasion di particolârs funziôns da diocesi o di cualchi plevania, in paîs dulà che no son scampanotadôrs;
fâ una «comission pa ciampanis», cul compit di dâ una consulenza par cuant ca vegnin comedâs i tôrs.